У касцёлах Бярозаўскага раёна прайшлі святочныя імшы на Вялікдзень — BEREZA.BY

Хораша і ўрачыста адзначаюць каталіцкія вернікі адно з самых вялікіх свят – Вялікдзень. З яго нагоды ў касцёлах Бярозаўскага раёна прайшлі святочныя імшы.

Суботнюю пасхальную вігілію ў касцёле Святой Тройцы г. Бярозы ўзначаліў ксёндз-вікарый Юзаф Парфяновіч. Падчас святочнай літургіі вернікі абнавілі абяцанні хросту, здзейснілі велікодную працэсію з фігурай Збавіцеля, а на завяршэнні ўславілі Уваскрослага Хрыста радасным «Сапраўды ўваскрос! Аллелюя!».

Варта зазначыць, што парафяне старанна падрыхтаваліся да свята: касцёл упрыгожылі стылёвымі дэкарацыямі і жывымі кветкамі. Ніводнага з вернікаў не пакінулі абыякавымі пранікнёныя спевы дзіцячага хора «Божыя ноткі».

Святар шчыра вітаў вернікаў, жадаючы ім і іх сем’ям Божай ласкі, здароўя фізічнага, маральнага і псіхічнага, дабра і шчасця, супакою і ладу ў кожным доме. Радуе людскія сэрцы і тое, што служба ў каталіцкіх храмах праходзіць на беларускай мове.

Разалія КАРПЕШ

Фота Сяргея БАБРОВА

Если вы нашли ошибку, пожалуйста, выделите фрагмент текста и нажмите Ctrl+Enter.

Поделиться

Сообщить об опечатке

Текст, который будет отправлен нашим редакторам: